O‘zbekiston – Ispaniya: Ikki tomonlama hamkorlikning amaliy davomi

Xabaringiz bor, joriy yilning noyabr oyida “O‘zbekiston temir yo‘llari” aksiyadorlik jamiyatida “O‘zbekiston temir yo‘llari” AJ boshqaruvi raisi v.b. Xasilov X.N. Ispaniyaning “Patentes Talgo S.L.U.” kompaniyasi MDH mamlakatlari va Yevropa boʻyicha tijorat direktori janob Enrike Rieska boshchiligida delegatsiyasi bilan uchrashuvi bo‘lib o‘tdi.

Muloqot chog‘ida yuqori tezlikda harakatlanuvchi elektr poyezdlariga texnik xizmat ko‘rsatish, shuningdek, ularni yanada rivojlantirish bo‘yicha ikki tomonlama hamkorlik masalalari muhokama qilindi. Temir yo‘l sohasida hamkorlikni rivojlantirish bo‘yicha o‘zaro hamkorlikning navbatdagi amaliy aksi yangi qo‘shma bitimda o‘z ifodasini topdi.

Bugun, onlayn tarzda o‘tkazilgan uchrashuvda “Patentes Talgo S.L.U.” kompaniyasining tijorat direktori Alvaro Seguro boshchiligida yuqori tezlikdagi harakatlanuvchi elektropoyezdlariga texnik hizmat ko‘rsatish bo’yicha shartnoma imzolandi. Shartnomaga ko‘ra, 4 yil muddatga yurtimizda mavjud 6 ta yuqori xarakatlanuvchi “Afrosiyob” poyezdlariga texnik xizmat ko‘rsatish ispaniyalik mutaxassislar tomonidan amalga oshiriladi. 

Axborot-tahliliy media markazi

0
0

“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.

BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI