“O‘zbekko‘mir” AJ yangi BELAZ bilan ta'minlandi
O‘zbekiston Respublikasi Prezidentining 2019 yil 7 martdagi PQ-4234-sonli ““O‘zbekko‘mir” AJ boshqarish samaradorligini oshirish chora-tadbirlari to‘g'risida”gi qaror ijrosini ta'minlash, ko‘mir qazib olish tizimini takomillashtirish, aholiga sifatli mahsulotlar yetkazib berish maqsadida “O‘zbekko‘mir” AJga Belarus davlatidan 15 ta “BELAZ-75131” rusumli yuk tashuvchi og'ir texnika keltirildi.
Ushbu texnikalardan Angren ko‘mir konining yuqori qatlamni ochish ishlarida samarali foydalanish ko‘zda tutilgan. "BELAZ" rusumli yuk tashuvchi transport vositasini yig'ish ishlari uchun belaruslik va mahalliy mutaxassislardan iborat 2 ta ishchi guruh tashkil etilgan edi.
“BELAZ-75131” so‘nggi rusumdagi Cummins KTA50-C dvigateli o‘rnatilgan bo‘lib, 130-136 tonna yuk ko‘tarish imkoniyatiga ega. Rul chambaragi gidravlik boshqaruv asosida ishlaydi. Yirik texnikaning sof og'irligi 107 100 tonnani tashkil etadi. Mazkur yuk tashuvchi transportiga 33.00-51; 33.00R51; 36/90-51 o‘lchamdagi shinalar o‘rnatilgan. "BELAZ"ning balandligi 5900 (±80sm), uzunligi 12050 (±100sm)ga teng. Yoqilg'i bakining hajmi 1900 litr. To‘rtta tomonidan atrofni tasvirga olib bir vaqtning o‘zida boshqaruv bo‘linmasiga uzatuvchi kameralar bilan jihozlangan ushbu og'ir yuk tashuvchi transport vositasi haydovchiga atrofni qiyinchiliklarsiz nazorat qilishni kafolatlaydi.
Shu kungacha “O‘zbekko‘mir” AJ tarkibida 30, 45 va 110 tonna yuk ortish imkoniyatiga ega BelAZ yuk tashuvchi texnikalari mavjud edi. Endilikda aksiyadorlik jamiyati 136 tonnalik gigant avtomobilga ham ega bo‘ldi.
"BELAZ" OAJ bilan tuzilgan shartnomaga ko‘ra yana 8 ta ana shunday yirik yuk tashish transportini olib kelish rejalashtirilgan.
Malumot uchun: "BELAZ" katta yuk mashinalari Minskdan 60 km masofada joylashgan Zhodino zavodida ishlab chiqariladi. U erda mashina yig'iladi, tekshiriladi va xaridorga yuk tashish uchun qayta ishlanadi. Misol uchun, demontaj qilingan 130 tonna avtomobil uchta temir yo‘l platformasini egallaydi. Zavoddagi mutaxassislar rahbarligida karyerda mashina qayta yig'iladi. "BELAZ"ni yig'ish uchun 5 kundan ortiq vaqt talab qilinmaydi, 3 – 4 kun tanani payvandlash uchun ketadi. 8-10 kundan so'ng to'liq yig'ilgan va yaxshi tashkil etilgan damperli yuk mashinasi ishga tushiriladi. Yangi mashinalar yig’ilgandan so‘ng albatta sinovdan o‘tkaziladi. "BELAZ" 80% yuklanish bilan to‘xtovsiz 100 mashina soati ishlashi kerak.
Axborot-tahliliy media markazi
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
