Klaypeda porti
Klaypeda porti Boltiq dengizining sharqiy sohilidagi eng shimoliy muzlamaydigan port boʻlib, Sharq va Gʻarbiy yoʻnalishlarda dengiz va quruqlik yoʻllarini bogʻlaydi.
Klaypeda porti Boltiqbo'yi mamlakatlari portlari orasida konteyner tashish bo'yicha yetakchi hisoblanadi.
Klaypeda multimodal, universal, chuqur suv porti bo`lib, u yerda 14 ta yirik stevdor, kema ta'mirlash va kemasozlik kompaniyalari faoliyat yuritib, dengiz biznesi va yuklarni tashish bilan bog'liq to'liq xizmatlarni taqdim etadi.
Portning yillik quvvati yiliga 65 million tonnadan ortiq yukni tashkil etadi.
Klaypeda porti Rossiya, Belorussiya, Ukraina va boshqa mamlakatlarning eng muhim sanoat zonalardan eng qisqa masofada joylashgan. G`arbiy Yevropa, Janubi-Sharqiy Osiyo portlariga, shuningdek, Amerika qit`asi portlariga asosiy yuk tashish liniyalari Klaypeda porti orqali o`tadi.
Klaypeda portida “Klaypeda porti orqali yetkazib beriladigan tovarlar haqidagi ma’lumotlarni uzatish va qayta ishlash”ga mo‘ljallangan KIPIS tovar va tovarlarning axborot tizimi joriy etildi.
Port foydalanuvchilarga geografik ma`lumotlardan foydalanish imkonini beruvchi va ma`lumotlar almashinuvini soddalashtiradigan GAT (Geografik axborot tizim) moduli joriy qilingan.
Dengiz portlaridagi so`nggi yuk tashishni boshqarish axborot tizimi (LUVIS) portdagi yirik va kichik kemalarning navigatsiyasini avtomatik ravishda boshqarish, port yig'imlarini hisobga olish, boshqa muassasalarning axborot tizimlariga ma'lumot berish, shuningdek, yuk tashish bo'yicha elektron xizmatlar ko'rsatish uchun mo'ljallangan bo`lib, “yagona darcha” tamoyili asosida xizmat ko`rsatadi.
Port beshta xalqaro tashkilot, jumladan Boltiq portlari tashkiloti – BPO, Yevropa dengiz portlari tashkiloti – ESPO va boshqalarga a’zo.
Port butun yil davomida kuniga 24 soat, haftada 7 kun ochiq.
2021-yilning 15-noyabr kuni “O‘zbekiston temir yo‘llari” aksiyadorlik jamiyati va “Klaypeda davlat dengiz porti ma’muriyati” davlat korxonasi o‘rtasida, mavjud xalqaro multimodal transport yo`laklaridan foydalangan holda tomonlarga tranzit, logistika va yuklarni tashish sohasida axborot-konsultativ yordam ko‘rsatish bo‘yicha hamkorlik memorandumi imzolandi.
Aloqa:
-
Klaypeda, Litva, LT-92251, J. Janonio, 24
-
Tel. +370 46 499 799
-
Faks +370 46 499 777
-
Marketing bo`limi: +370 46 499757
-
Infrastruktura va temir yo`l bo`limi: +370 46 499744
-
E-mail: info@port.lt
Port xizmatlari va narxlar ro`yxati haqida to`liq ma`lumotni Portning rasmiy veb-saytidan olishingiz mumkin:
