Ishonch telefoni (+998 71) 237-99-98Dush. – Jum. 9-00 dan 18-00 gacha

Vokzal ma’lumotxonasi 1005Kecha-kunduz

23:11:18 (GMT +5), juma, 18 yanvar 2019

“O'zbekiston temir yo'llari” AJ uch pog'onali yo'l o'tkazgichni 2019 yil so'nggida foydalanishga topshirilishi rejalashtirilmoqda

Markaziy Osiyoning eng yirik megapolisidan biri hisoblanmish Toshkent shahrida keyingi yillarda yirik bunyodkorlik ishlari amalga oshirilmoqda. Ayniqsa, transport kommunikatsiyasi sohasida ko'plab yirik loyihalar hayotga tadbiq etilyapti. Yangi yo'llar, zamonaviy magistrallar, ulkan ko'prik va yo'l o'tkazgichlar qurilmoqda. Xususan, Prezidentimiz Shavkat Mirziyoevning tashabbusi bilan Oxangaron va Parkent ko'chalari kesishmasida shu kungacha xali qo'llanilmagan 3 qavatli yo'l o'tkazgichni qurish jarayoni qizg'in davom etmoqda.


Bunyodkorlik ishlarining bosh rejasi “Boshtransloyiha” AJ mutaxassislari tomonidan ishlab chiqilgan. Unga ko'ra dastlab umumiy uzunligi 484, kengligi 26,7 metrni tashkil etuvchi tunnel quriladi. Mazkur inshootning balandligi jahon standartlariga mos ravishda 5,5 metr bo'lib, har ikki yo'nalishda 3 ta avtomobil yo'lagi barpo etiladi. Shuningdek, bu yerda loyiha doirasida yoritish tizimi, suv chiqarish ariqchalari quriladi. Ikkinchi bosqichda yer sathidan 1 metr balandlikda diametri 50 metrni tashkil etadigan doirasimon yo'l o'tkazgich qurish ishlari olib boriladi.  

Eng asosiysi ushbu xududda Maxtumquli va Sharqiy aeroport ko'chalarini bog'lovchi ulkan yo'l o'tkazgich tiklashnishi ham rejalashtirilgan. Mazkur inshoot Toshkent viloyatining Parkent, Yuqori Chirchiq, Bo'stonliq tumanlari tomon harakatlanuvchi avtomobillar boshqaruvchilari uchun qator qulayliklar yaratadi. Xususan, mazkur xududlarga eltuvchi zamonaviy magistral bunyod etiladi. Uning natijasida ushbu xududlargacha bo'lgan masofa deyarli 20 km.ga qisqaradi. Yirik yo'l o'tkazgichning umumiy uzunligi 618, kengligi 30 metrni tashkil etadi va 6 ta avtomobil yo'laklariga mo'jallangan bo'ladi. Hozirda “O'zbekiston temir yo'llari” AJga qarashli “Ko'prikqurilish” tresti unitar korxonasi ishchi-xodimlari tomonidan tunnel qazish ishlari olib borilmoqda. Joriy yil oxiriga qadar loyihaga qiritilgan barcha inshootlarni to'la qurib bitirish va foydalanishga topshirish rejalashtirilgan.

Axborot xizmati

“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.

BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI

  • nashr uchun ko’rinish