Poezdga tosh otma, bolakay!
Temir yo‘l yaqinida joylashgan hududlarda sodir bo‘ladigan qoidabuzarliklar yuzaga kelmasligi uchun, avvalo, oila, mahalla va maktab jamoasi targ‘ibot ishlarini kuchaytirmog‘i lozim. “Toshkent mintaqaviy temir yo‘l uzeli” unitar korxonasiga qarashli “O‘rta ovul” stansiyasi jamoasi tashabbusi bilan Toshkent viloyatining Zangiota tumanidagi 43-umumta’lim maktabida bo‘lib o‘tgan tadbirda shu haqda so‘z bordi.
“O‘zbekiston temir yo‘llari” aksiyadorlik jamiyati Harbiylashtirilgan qo‘riqlash xizmati boshqarmasi, Toshkent viloyati IIB transport bo‘limi hamda maktab o‘qituvchi va o‘quvchilari ishtirok etgan tadbirda harakatlanayotgan poezdga tosh otmaslik, temir yo‘l to‘siqlarini sindirmaslik, atrof muhitni ifloslantirmaslik, temir yo‘l hududidan o‘tayotgan paytda uyali aloqa vositasidan foydalanmaslik, temir yo‘l relslariga tosh qo‘ymaslik, hududda chorva mollarini boqmaslik kabi qoidalar haqida batafsil ma’lumotlar berildi. Shuningdek, yo‘l harakati qoidalariga oid ko‘rgazmali chiqishlar orqali bolalar bilimi boyitildi. Mavzuga oid slayd-shoular, bukletlar taqdim etildi. “Yo‘ling bexatar bo‘lsin, Afrosiyob!” nomli hujjatli film namoyish etildi.
Axborot xizmati
“O‘zbekiston temir yo‘llari” AJ rasmiy saytining materiallaridan foydalanish, shu jumladan republikasiya qilish, faqat belgilangan shartlarni bajargan holatdagina foydalanish mumkin.
BELGILANGAN SHARTLARNI BAJARILMASLIK O‘ZBEKISTON RESPUBLIKASI QONUNCHILIGINING BUZILISHI HISOBLANADI
